Сөхрүүлж чадаагүй хүндээ хорвоо өөрөө сөхөрдөг юм...

Хаврын тэнгэрт одод гялалзах юм

Хайрт чиний минь инээмсэглэхтэй адил

Хаврын шувуудын жиргээ

Хайрт чамайг минь санагдуулж

Зөөлөн үлээх салхи нь

Зөвхөн чамайг минь бодогдуулна.

Яргуй цэцэгс дэлгэрэхэд

Ялдамхан чи минь баярладагсан.

Борооны дараах зөөлөн чийг

Борхон зүрхийг минь догдлуулж

Болзоот өдрүүдийг минь санагдуулна.

Хаварт би дуртай

Хайрын минь галыг асааж

Хагацлын минь дөлийг унтраадаг

Хаварт би дуртай.

...

Хонхот шар цэцгийн дэлбээг
Хойно урдаас нь хэлхэж бэлэглэсэн
Хорь эргэм насны учрал
Хонгорхон чи минь намайг дурсаа юм уу
Холдож ойртох тусам
Холдож ойртохыг умартсан
Хожуу ч биш балчирт ч биш
Хоног өдөр нь таарч эвлэсэн
Хорвоогийн ганцхан үнэн сэтгэл минь санаа юу

Намирах хар гэзэгний чинь үнэрт мансуурсан
Нарийн туяхан билхүүсийг чинь тэвэрсэн
Надаас өөр хэнийг ч хүргээгүй
Навчин хэлбэрт уруулыг чинь таалсан
Уулзах өдрийн зай холдоход
Уяртал дуулан үгүйлсэнийг чинь сонссон
Хүн хүнээс илүү гэж надад
Хүндлүүштэй сэтгэлээ оосоргүй алдсаныг чинь мэдсэн боллоо

Уран цэцэн сайхан үгстэй шүлэг би...

Цоггүй. Унтарсан, унтаа харцтай бүсгүй
Цаанаа л нэг жихүүцсэн, бас яарсан зөрөх нь
Эрт урьдын зүүд шиг, эрх биш нэгийг сануулан
"Эхнэр" бэлзгээ хальт харуулан одлоо

Тийм байна. Тэр мөн байна.Яг мөн
Тэртээх түүхийн нугачаанд хамт бүдэрсэн
Тэвэр багадсан шөнийг анх амсуулсан
"Тэдний" охин тэр л дүрээрээ яг мөн байна

Зайлуул. Намайг явахад тэр хүлээнэ гэж амлаж байсан
Завхарсан юм бодохийн гэж би шоглож суусан
Замаа бодоорой гэж гарахдаа би шивнэж үлдээсэн
"Зам"-аа алдсан гэж найзууд араас "захидал" чулуудсан

Эцэг нь намайг хүлээж цөхөхдөө хорвоог орхиж
Эхнэртэй болсон гэж би худал үг хүмүүст цацаж
Эндсэн дээр...

Тэр бүсгүй. Амьдралын гэгээтэй аятайхан бүсгүй
Ардын дуу шиг гэгэлхэн, алтан намар шиг намуухан
Алдах эрхгүй, зүрхний ганцхан "нар"-аа гэж
Аавын хөвгүүдийн энгэр түшихээ яараагүй бүсгүй.

Тэр бүсгүй. Бусдын өмнө тэр өргүй, нүгэлгүй бүсгүй
Будант орчлонд мөртэй, Бурхан ганц үртэй
Булгилах цагын энтэй, Буруу зөвийн цэнэтэй
Буурал орчлонгоос айгаагүй сөрсөн, Булт олны "нүд"-нээс зөрсөн танхилхан бүсгүй. ......

Сондор хэлхэх шиг би үгс цуглуулна
Солгой хүн шиг солиотой аялна
Сонин болгож бусдад уншуулна
Согтуу аятай "амьдралаа нуршина"

Улиран одсон дурсамжийн хэлтэрхий
Учрал дутсан цагын нахиа
Ганцхан удаагын нууцхан жаргал амсуулсан
Ганган бүсгүй зүүдэнд юуг сануулав.

Ааваас чинь эмээж, амрагаас чинь хулгайлсан
Ахархан шөнийн амтат үйлтгэлийг мартаж
Алсхан хорвоогын альхан чөлөөнд
Алхаж, зүтгэж яваа бол чи минь

Эрийг чинь эзгүйчилсэн би гэмтэй
Эхнэр аалиа мартсан чи ч нүгэлтэй
Энэхэн хугацаанд амталсан жаргал амттай
Эдүгээ харин бүхэнд нууцтай, хоюул танихгүй танилууд

Дахиж зүүдэнд минь битгий саатаарай
Даамайхан амрагтаа "хар авхуулж", бангадуулж мэднэ
Дараа харин "тааралдах" үедээ "мэнд"-тэй өнгөрөх
Даруулга чангатай "эртний танил" үлдь...

Шуналын харцаар хааяахан нэг чамайг нүцгэлж
Шунх улаахан уруулыг шимж зүүдлээд л сэрж
Шүлэг, дууны онгодоо нэрээр чинь хөглөж
Шүтээн болсон эрээс чинь шөнийн жаргалыг нь хугасалахсан. Хүний хүн минь....






 

Амралтын өдөр утгаа алдаж байна даа. Энэ ажил гэдэг амралтыг маань үгүй хийх юм аа. Ажил ажил ажил амралтын өдөргүй хэдэн долоо хоног өнгөрлөө. Chelsea өнөөдөр хожих болно гэсэн итгэл дүүрэн гэртээ ирж байна. Амралтын өдөр байхгүй юм чинь энэхэн хэсэг үдшийг сайхан тоглолтоо үзэн өнгөрүүлье. Сайхан амарцгаагаарай. Маргааш өдрийг эрч хүч дүүрэн угтацгаая. Go go go Chelsea. Тэр маань ч гэсэн миний дэмждэг Lakers, Chelsea гэсэн багуудыг дэмждэг юм. Сайхан амраарай насан багахан үеийн амрагхан Оюунанаа минь. Уртхан шөнийхөө амтат зүүдэндээ учирье амрагхан минь. Удахгүй уулзах мөч ирнэ ээ. Сайхан б...

Өглөөний мэнд. Сайхан амарцгаасан уу. Энэ өдрийн өглөө их л сайхан эхлэж байх чинь. Түүнийгээ би зүүдлээд л. Хамгийн жаргалтайхан зүүднүүдийн минь нэг байлаа. Мөн Интер сайхан биш ч боломжийн тактикийн тоглолт үзүүлж шигшээ тоглолтонд шалгарлаа. Цаг агаар ч сайхан байна. Цээж дүүртэл амьсгалаад л, ямар ч ажил байсан ард нь гарахаар эрч хүч дүүрэн байна. Өдөр, орой ч гэсэн энэ хэвээрээ байх болов уу гэж найднам. Бүгд ажлаа сайн хийцгээгээрэй.Амжилт
...

Өнөөдөр ажил хийх сонирхол нэг л төрж өгөхгүй. Санаа сэтгэл тогтохгүй гэгэлзээд л. Гадаа гарч галзуу улаанаа угзарлаа. Тэгсэн ч тайван бус хэвээр. Ажлын цаг дуусгаад сайхан зааланд хөлсөө гарганаа өнөө орой. Өдөр болгон нэг л таньдаг ихэмсэг, яравгар, бялдууч, долдой, дорой гэх мэт хэдэн хүн харж хэлэлцэж, ярилцаж тэдэндээ уусаж дагаад хөгшин ахуйд суралцах маягтай. Би залуу хүн. Гэтэл заримдаа залуугаа мартах шахах юм. Хийдэг ажил хэвийн. Хүмүүсийн надад хандах, миний зүгээс хүмүүсд хандах хандлага мөн л хэвийн. Уйтай ажил. Гэхдээ ажил нь биш хүмүүс нь л миний бухимдалыг төрүүлэх юм. Хамт оло...